Bohri fried chicken

بوہری فرائیڈ چکن

اجزاء

چکن                              ایک کلو

ادرک لہسن کا پیسٹ          دو کھانے کے چمچ

لیموں کا رس                  چار کھانے کے چمچ

گرم  مصالحہ پاؤڈر           ایک چاۓ کا چمچ

میدہ                               دو کھانے کے چمچ

کارن فلور                     تین کھانے کے چمچ

ناریل پاؤڈر                    تین کھانے کے چمچ

کٹی لال مرچ                  تین کھانے کے چمچ

ہری مرچ                      دو کھانے کے چمچ

زیرہ پاؤڈر                    ایک کھانے کا چمچ

بریڈ کرمبس                   چار کھانے کے چمچ

تیل                              تلنے کے لئے

انڈے                            تین عدد

کٹی کالی مرچ                ایک کھانے کا چمچ

نمک                           حسب ضرورت

ترکیب

ایک پین میں چار سے پانچ کپ پانی، مرغی ، ایک چٹکی نمک اور آدھا چمچ ادرک لہسن کا پیسٹ شامل کر کے ابالیں. جب مرغی گل جائے تو پانی چھان کر مرغی کو ایک پیالے میں نکال لیں

اب ابلی ہوئی مرغی میں ایک انڈا، بچا ہوا ادرک لہسن کا پیسٹ ، نمک اور باقی تمام اجزاء شامل کر کے مکس کریں اور آدھا گھنٹہ کے لئے فرج میں رکھ دیں

مرغی کے ٹکڑوں کو انڈے میں ڈبو کر گرم تیل میں سنہرا  ہونے تک تلیں پھر ٹشو پیپر میں نکالیں تا کہ اضافی تیل خشک ہوجاے. مزیدار گرم بوہری فرائیڈ چکن تیار ہے

اپنے پسندیدہ سوس کے ساتھ تناول فرمائیں

ٹپ

مرغی کو تلنے کے دوران چھری سے چیک کریں. اگر چھری با آسانی اندر چلی جائے تو سمجھ جائیں مرغی تیار ہے

Leave a Reply